Una bosla d’vedèr arpsèe da una pert un scafèl pin d’scherpèe da chil’etra ancosèn e fusèina; una stòva in un cantaun, con la caldirèina.
Piulètt, trivlèin na mola a pedalaun felsi squedri, sauvra l’oss un Sante Traunch disègn d’carioli, baros, barusein, asìi da per tott de sneiver du barilèin.
Un mèr d’ragnatèli, bola a tach al parèidi in un ciold a tach al mur, bulètt scarabucèdi un ritrat d’Mazzini sauvra l’entrèda, in mez ai rèss la gata la dorèm stravachèda
Deiter a stèe butèiga, cla sambra a prema vèsta lè invèce un ritrov d’vècc sucialèsta che seintèr i sòo discaurs ien tott di magna prèt m’al dè d’la procèsiaun i d’veintèn confradèe.
Ien tott chi ragastàs d’la guera quendès-dèsdot chi an fat la sòo figura in chi giaurèn d’teremòt finìi clè stèe al cunflèt, e ien stèe congedèe; in butèiga i sen rivèst: chi sop chi sbalinèe.
Un dè che San Iusèf liva bisègn d’piulètt la fat un s’cefèl in tera e lò al gà rispost: subètt là, in dla sòo butèiga, insèma al sòo banch sdraièe; le mort pensand al fiol, che in guèra al gà lasèe. BIOGRAFIA AUTOREMarcello Braglia, sassolese, è autore e cultore di poesia dialettale. Ha collaborato per diverse riviste importanti, tra cui “La trivèla”. |